PADAYONG GIDASIG sa probinsyal nga panggamhanan pinaagi sa Davao del Norte Technical Education Skills Development Authority (TESDA) ang padayong pagkuha ug kahanas (skills) aron makatabang sa panginabuhian.
“Ang TESDA naga-promote sa skills development as a vehicle for poverty alleviation. Through their skills matabangan ang ilang panginabuhi. Mao kini ang response sa call sa atong Presidente Duterte nga fight against poverty. And of course sa atong honorable Governor Anthony del Rosario nga tutokan ang skills development program as one of his priorities sa BEST PEOPLE agenda ni Governor tutokan nato ang skills development dinhi sa Davao del Norte para matabangan ang panginabuhi nato para mahimong malamboon ang atong lungsod, ang atong probinsya,” matod ni DavNor TESDA provincial director Dr. Remegias Timonio.
Bisan si TESDA Ambassabor Chef “Boy” Logro nga taga Laak, ComVal Province kinsa produkto sa TESDA nagpasiugda nga angayan lamang ayohon gyod sa mga estudyante ang pagkuha ug dugang kahanas: Attitude nga kinahanglang mahimong buotan sa panarbaho; Skills nga gikinahanglan ug Knowledge nga idugang aron molahutay pinaagi sa mga innovations kun “ASK.”
Ang mensahe ni Gobernador Anthony del Rosario nag-awhag nga dili angay ikaulaw kung dili makahuman ug kolehiyo hinuon isipong garbo nga adunay nakat-onan gikan sa mga programa sa TESDA.
“Trainees, you don’t need to go to college to be successful and tertiary education is not so important. But in TESDA may choice ka. You should all realize that the blue-collar job is something to work on. Pag sinabing trabaho hindi kailangan naka-barong ka. I wanted you to be proud, to have dignity, and that is what the program is all about,” pagdasig ni Gobernador pinaagi sa iyang Executive Assistant Melanie Mendoza.
Aron gyod masuportahan ang panginahanglan sa pagkuha’g dugang kahanas, padayon karon ang pagpangandam sa gikinahanglang mga papeles alang sa pagtukod ug Skills Training Center sa probinsya. Gipanghinaut ni DavNor Provincial TESDA Director Dr. Remegias Timonio nga unta mahuman ug sayo ang Skills Training Center aron magamit kini sa pagbansay ilabina alang sa kahanas sa konstruksyon.
“Timetable sa Skills Training Center within a year para ma-implement next year. Labina sa programa ni Presidente nga Build, Build, Build program so atong gina-focus karon ang construction-related qualifications kay kulang gyod ta ug mga construction workers, i-train nato sila,” matod sa DavNor TESDA Director.
Ang Davao del Norte adunay 40 ka mga eskwelahan nga rehistrado sa Technical Education Skills Development Authority (TESDA) alang sa lain-lain nga kwalipikasyon.
Ang ika-24ng anibersaryo adunay tema: “TESDA, Susi sa Magandang Kinabukasan.”
