GIPASALIG ni Special Assistant to the President Christopher “Bong Go” nga dili na gayod mabitin ang Mindanao labi na ang Region XI atol sa iyang mensahe sa ika-51ng anibersaryo sa probinsya sa Davao del Norte.

Si SAP Bong Go mao ang guest speaker sa anniversary program kagahapon, Hulyo 1.

“Napakarami pong kailangang ipagdiwang at ipagpasalamat ng mga taga Davao del Norte lalo na sa pagdating tungkol sa ekonomiya. At present, Davao Region is one of the fastest growing regions in the country and President Duterte understands that to sustain this growth must be accompanied by infrastructure building and development. Kaya nga kabila-kabilang proyekto ang isinasagawa ng gobyerno. . Ilan dito ay Tagum-Davao-Digos section of the planned Mindanao Railway, the comprehensive flood master plan for Davao del Norte, rehabilitation of Sonlon-Camansa farm-to-market road at yung upgrading ng ating Davao International Airport,” paghingalan sa SAP sa pipila ka dagkong proyekto nga ang ania gibubo sa DavNor.

Bisan kung wala hinganli, gipasaligan sab ni Go ang gipaabot nga hangyo ni Gobernador Anthony del Rosario.

“May pinasa rin po si Governor del Rosario, sisikapin ko po, ayaw kung mangako pero akong paningkamotan naa man ko diha pirme kang Presidente ug malipay ta nga siya karon ang Presidente kay patas lang. Dili nakapabor sa Luzon, sa Visayas. Dili na mabitin ang Mindanao,” pasalig sa sinaligan ni Presidente Rodrigo Duterte nga taga Davao City.

Giila sab ni SAP Bong Go ang mga kalamposan sa Davao del Norte ilalom sa pagdumala ni Gobernador Anthony del Rosario apil na ang di pa lang dugay pagkahimong Galing Pook Awardee pinaagi sa Community-Based Road Maintenance Contracting (CBRMC) nga pamaagi ug ang pagkahimong Number 7 nga Best Competitive Province sa 71 ka mga probinsya sa tibuok nasod, mga pamatuod nga ang probinsya anaa sa maayong direksyon padulong sa kalamboan.

Mitambong sab atol sa ika-51ng anibersaryo sa Davao del Norte si Senador Cynthia Villar ug Ilocos Norte Gobernador Imee Marcos.