MIPAILAWOM sa dugang 5-ka adlaw nga pagbansay ang 30 ka mga DavNor Recovery and Rehabilitation service providers alang sa workshop on Katatagan Kontra Droga sa Komunidad (KKDK), Hunyo 4-8 aron epektibong matubag ang panginahanglan sa rehabilitasyon sa mga drug surrenderers.
“Community-based recovery gyod siya. Ang treatment iya sa medical pero igo lang sila hangtod sa assessment. The actual thing nga buhaton iya sa social welfare and other allied professionals kay case management man gud. Ang treatment plan does not mean medication; ang treatment plan is behavioral,” matod ni Ms. Jucylen Lumangtad, ang focal person sa DavNor PADAC uban sa pagpakita sa 12-modules nga libro sa KKDK.
Ang mga partisipante naglakip sa 2 ka doktor, 3 ka MSWDO, 4 ka personahe sa DepEd, mga nars, ug mga social welfare staffs gikan sa 11 ka LGUs sa probinsya aron maaplikar na ang Aksyon Gabay at Rehabilitasyon – Information Management System (AGR-IMS).
“Prior sa Users Training sa AGR-IMS naa pa’y duha ka training agion nila para modagan ang atong AGR-IMS sa mga lungsod. . Sa tanang provinces sa Region XI even Mindanao, kita lang ang naay system. .Last PADAC meeting naay 3 ka resolusyon: First, approval of the system; ikaduha, implementation of the system to all local government units; ikatulo, asking Department of Health to issue certificate of acknowledgment and certification AGR-IMS being the only standard confident statement,” pagbutyag ni Ms. Lumangtad nga naghinaut nga na-aprobahan na ang mga resolusyon sa DavNor SP nga nagpasabot sab nga aduna pa’y mga training nga moabot alang sa mga service providers.
Ang mga resource persons naglakip nila International Certified Addiction Professional ug Chairperson, PRC Board of Psychology Dr. Miriam P. Cue; Director, New Day Recovery Center Glaizel Rivera; ug, Professor Ateneo de Davao Univesity Teresita C. Mirafuentes.
Dugang sa mga resource speakers ang 4 ka facilitators sa St. Paul University (Surigao City); 2 gikan sa Ateneo de Davao; 1 gikan sa USEP-Davao ug 1 gikan sa Mindanao Tripartite Youth Core.
Usa sa daghang workshop ug mga training nga napahigayon mao ang pag-imbita sa DavNor PADAC sa National Data Privacy Commissioner niadtong Abril 19 ug 20 aron lang gyod mapahiuyon ang AGR-IMS sa nasyonal nga balaod Data Privacy Act of 2012.
