NAGTAGBO ang Davao del Norte Provincial Inter-Agency Committee on Anti-Trafficking and Violence Against Women and Children (PIACAT-VAWC) aron maproteksyonan ang kababayen-an ilabina ang mga kabataan labot sa human-trafficking.
Kauban ang mga departamento ug ahensya sa PGO, PaDO, PLO, Sangguniang Panlalawigan, Provincial Prosecutor’s Office, DepEd, DILG, DOLE, PNP, PPDO, PHO, PaDO-EWDD, TESDA, NCIP, OMA, Division Federation of Student Government Organization ug Child Alert Mindanao, kagahapon, Myerkoles, Hunyo 6, gipangunahan sa PSWDO ang panaghisgot aron mapugngan ang human trafficking sa probinsya.
“We want to push some issues of human trafficking, kinahanglanon jud especially there are reported cases, a lot of cases kadtong sa highland, sa Talaingod and even in Kapalong, children are being trafficked,” pahayag ni Ms. Semblante sa importanteng katuyoan sa inter-agency miting.
Sa maong miting, gitaho ni Talaingod MSWDO Elisa Acosta nga duha na ka higayon ug sobra 20 ka mga menor-de-edad nga sakop sa Indigenous People (IPs) ang gipangdala sa Manila nga dili kauban ang ilang ginikanan ug walay Permit to Travel.
“Twice na ni nahitabo sa Talaingod. Ang mga IP children dalaon sa Manila without passing by asking for Permit to Travel. Mga Sallugpongan children ni sila, in the name of the school. Ang nagtawag sa among atensyon ang Davao CSSDO. . Gi-irritate sila sa mga NGO. Sa ilang pagka-irritate, kami nuon ang nagka problema Social Welfare kay nganong di daw mi mohatag. . Mao ni ang among problema,” esplikar sa Talaingod MSWD Officer ngadto kang Provincial Prosecutor Norman Solis ug kaubanang ahensya uban sa pagtug-an nga nasundan pa ang insidente pagka sunod tuig nga naglangkit ug 20 ka kabataan diin 16 ang gikan sa Talaingod.
Gipakalma hinuon ni Prosecutor Solis ang mga MSWDOs uban ang paghatag suporta alang sa usa ka resolusyon alang sa Permit to Travel.
“Short cut lang maam. Ako’y tawagi. Ihatag ang number nako. . Pag-ing-ana ang sitwasyon ayaw mo kabalaka, kay naay law. Ordinance na sa Davao. Ihatag number nako kay ako’y tubag sa ilaha,” pasalig sa Provincial Prosecutor nga miembro sab sa Regional Task Force kontra human trafficking.
Kahinumduman, atol sa Mayo 4, 2018 Provincial Peace and Order Council (PPOC) miting, gipahayag sa Munisipal Administrador sa lungsod sa Talaingod ang ilang panginahanglan ug PPOC Resolusyon nga mag-obligar pagkuha ug Permit to Travel gikan sa Social Welfare Development Office ayha pa tugotan ang menor de edad nga mobiyahe kung dili ilang ginikanan ang kauban.
Gilaoman nga sa dili madugay mogawas ang PPOC resolusyon aron mapugngan ang illegal nga pagpayuhot ug mga kabataan gawas sa Davao del Norte.
