TUMONG gayod sa probinsyal nga panggamhanan ilawom ni Gobernador Anthony del Rosario nga ang tanang Local Government Units sulod sa Davao del Norte mahimong Seal of Good Local Governance awardee.
Dili lang hinuon ‘award’ ang gipangagpas sa Gobernador kundili ang pamatuod nga “maayo gayod ang pagkadumala” sa mga Local Government Units sulod sa probinsya.
“That should be our target. 100% of all LGUs in the province of Davao del Norte makadawat ug SGLG award. Kami sa probinsya we give assistance sa mga munisipyo if need help in order to qualify because we want to show to the country that in Davao del Norte good governance ang atong ginahimo, and we want to show that all our LGUs have complied with all the requirements,” matod ni Gob AGR atol sa gipahinabong “SGLG Technical Briefing for Component LGUs in Davao del Norte,” Myerkoles, Mayo 16 didto sa Heroben Hometel, Tagum City.
Dugang gipasabot ni Gob AGR nga ang pagkadawat ug pasidungog nagpaila sab ug maayong serbisyo nga gihatod ngadto sa mga Dabaonon.
“Being awarded with SGLG is a very good indication of the improving governance in our Local Government Units. It means better service to the people in our respective communities. Kini nga award dili basta-basta nga ginahatag sa DILG. . Dili lang ang award ang atong giapas ani. Para gyod ni sa katawhan kay kung aduna ta’y SGLG pasabot ana nagbunga ang atong paningkamot nga miangat ang kalidad sa kinabuhi sa Dabaonon,” dugang pahayag sa Chief Executive sa Davao del Norte uban ang panghinaut nga sa tuig 2018 kung dili man tanan makadawat ug award, nga modaghan pa ang mga LGUs nga mapasidunggan.
Sa miaging tuig 2017, ang probinsya sa Davao del Norte kauban ang mga lungsod sa Braulio E. Dujali ug Kapalong lang ang nahimong mga SGLG awardees.
Matod ni DILG Provincial Director Abito Bernasor nga bisan kung 10 porciento lang ang kinahanglan aron mahimong SGLG awardee ang probinsya, apan maayo gayod kaayo kung ang tanang 11 ka LGUs sa Davao del Norte ang mopasar.
“For provinces to pass, 10% of the component LGUs must be SGLG passer. So naa ta’y 11 component LGUs including component cities, dapat 2. . . or at least 11. Para mopasar atong probinsya at least 11 ka LGUs mopasar and that is 10% of the total municipalities of Region XI,” mapahiyomon nga gihagit sa DILG probinsyal director ang mga Planning Officers gikan sa tanang LGUs.
Aron mahimong SGLG awardee, angay ipasar sa usa ka LGU ang mga sukdanan nga naglakip sa Good Financial Housekeeping, Disaster Preparedness, Social Protection, Peace and Order, Environmental Management, Business Friendliness and Competitiveness ug Tourism Culture and Arts.
