SA IKA-4 nga higayon, sunod-sunod nga nahimong Regional Gawad Kalasag Awardee ang Davao del Norte Provincial Disaster Risk Reduction Management Council (DavNor PDRRMC) gikan pa sa tuig 2015, 2016, 2017 ug karon 2018.

Niadtong Abril 11, 2018 nga pagsusi sa Regional Assessment Team nga gipangunahan ni Ms. Rebecca O. Lopez chairperson sa Regional Selection Committee, gipahayag ni DavNor Provincial Administrator ug PDRRMC Executive Officer Samson Sanchez nga ang padayong innovation ug ang gipauswag nga kalidad ug kapabilidad sa mga tig-responde ug mga kagamitan dako kaayo nga puntos nga ilhon pag-usab ang DavNor PDRRMC.

“Aduna ta’y mga gidugang especially the passage of LCCAP, Local Climate Change Action Plan, and then Public Address System Early Warning on-going ang installation, ug ang ikatulo kaning atoang activation sa 911 in addition sa prevailing 4 phases nato sa thematic areas for our bid to become the regional winner for the 2018 Search for Regional Kalasag Award,” pahayag ni PDRRMC Executive Officer Sanchez atol sa maong assessment.