SA UNANG higayon, nagtapok ang tanang Parents Teachers Association sa tanang LGUs sa probinsya, alang sa 1st DavNor Parents-Teachers Association Congress Martes, Marso 6, 2018 RDR Gym, DavNor Sports Complex.
Matod ni Division Federated PTA President Edgar Taladhay nga ang panagtapok nagtumong aron mapakusog pa ang partisipasyon sa matag PTA ingong usa ka importanteng sektor alang sa kalambuan sa edukasyon ug aron mapalawom pa ang kahibalo ug katakos sa mga opisyales para sa hapsay ug epektibong pagdumala sa asosasyon.
Tinguha usab sa panagtapok nga pinaagi sa pagbayloay sa mga hunahuna, mapatungha niini ang hinusang rekomendasyon ngadto sa hingtungdang ahensya aron matutokan ang mga kakulangan ug kababagan nga nasinati sa mga PTAs.
Gidayeg gayod ni Gobernador Anthony del Rosario ang mga PTAs sanglit ang pagkahimong opisyal sa asosasyon nagpakita lamang sa andam nga tinguha sa pagtabang, unang-una sa anak ug dayon sa eskwelahan.
“I do not believe that you would become a PTA officer if you’re not prepared to help your children. Kung gusto ka mag-PTA officer buot ginapasabot ana gusto gyod ka motabang sa imong anak ug sa iyang eskuylahan,” matod sa gobernador nga usa sab ka presidente sa PTA sa eskwelahan sa iyang anak.
Apan bisan pa sa pagkahimong puliki tungod sa dugang atimanon sa usa ka PTA officer sa eskwelahan, gipasiugda hinuon sa gobernador ang kaimportante sa maayong relasyon sulod sa pamilya nga mahimong moresulta sab sa maayo ug malipayong probinsya.
“Most importantly is your relationship with your family, with your children. And I hope all of you, really five o’clock, six o’clock, go home, go home and be with your children. Ug kamong mga husbands ayaw pag-kumpyansa nga kamo naa sa gawas ang asawa naman ninyo naa didto sa balay. It takes two parents to raise a family, not one. . because at the end of the day it is family that really makes a province what it is. A successful family, a happy family is also a successful and a happy province. And that’s what we all want as government officials. We just want our homes, our communities, our province to be happy and safe at all times,” pagdasig sa gobernador sa mga ginikanan-opisyales sa PTA.
Human sa Congress, mipirma si Gob AGR sa “Pledge of Commitment” timaan sa iyang hugtanong suporta sa PTA. Gidawat sab sa gobernador ang gi-presentar sa Division Federated PTA ang ilang resolusyon nga naghangyo ug pondo alang sa tinuig nga panagtapok.
