Nagpahitabo og usa ka Academic and Skills Open Market para sa mga senior high school students ang Department of Education, Davao del Norte Division kaniadtong Marso 1-2, 2018 sa New Corella National High School.
Miapil sa duha ka adlaw nga Open Market ang mga Senior High Schools sa tibuok probinsya. Ang ilang gipang-andam na nagkalain-laing booth mi representar sa upat ka academic track ilawom sa K-12 program nga Accountancy, Business and Management (ABM) Strand, Humanities and Social Sciences (HUMSS) Strand, Science, Technology, Engineering and Mathematics (STEM) Strand, ug General Academic Strand.
“In the global market, dili lang linya sa academics ang daghag trabaho, there has been a rise of skills oriented field who pay as much as those who require degrees. The electives you chose can be the career that will bring you success; pero kinahanglan kuyogan gyud ninyo og pangikamot ang inyong mga abilidad”, ingon pa ni Gobernador Anthony del Rosario sa iyang mensahe para sa mga estudyante.
Dako ang supporting gipakita sa local nga panggamhanan sa pagpataas sa kalidad sa edukasyon, ilabi na sa programang K-12.
“Ang local government unit dako kaayo og factor sa success or failure sa senior high school program. So, sa local government unit ato gyung gisiguro nga ang pagimplement sa pundo sa SEF nga tama sa implementation sa education sector”, matud pa kay Mayor Rhodora Alcoran, Municipality of New Corella nga maoy host sa open market.
Ang Davao de Norte ang kinaunhang nagpahitabo sa maong Open Market sa tibuok Rehiyon 11.
“Ang tumong gyud ani atong first ever senior high school open market ara gyud ma display ang output sa atong mga estudyante kay mas maayo man gud na nga makita sa kadaghanan ang kung unsa gyud ang output aning senior high school program”, saysay ni Dr. Eduard C. Amoguis, Curriculum Implementation Division Chief.
Karon nga tuig mo graduar ang kinaunhang grupo sa mga estudyante ilawom sa senior highschool program. Bisan pa nga magabri og mas daghan nga kapili-an para sa mga estudyanteng mo human og senior high, mas daghan gihapon ang mo padayon sa pageskwela sa kolehiyo.
“My plan is to proceed to college because importante gyud siya ang education to compete globally”, ingon ni Jerald B. Sab-a, Sawata Natioinal High School.
Dungag pa ni Jerald, maayo ang programa para sa ila nga mga studyante kay ang ilang mga nakutlo nga kahanas ug mga certification sa programa mahimo nilang seguridad nga makapangita og trabaho kung di makatiwas sa kolehiyo.
