75 ka mga empleyada sa DavNor Kapitolyo ang mopailawom ug 180 ka oras nga pagbansay aron mahimong ilhon nga National Competency II nga drayber.

Ilawom sa BEST PEOPLE development agenda, tumong gayod sa administrasyon ni Gobernador Anthony del Rosario nga mapakusog ug makabaton ug kagahom ang tanang sektor sa Davao del Norte ilabina ang kababayen-an pinaagi sa Abilidad at Malasakit (AMA) nga estratehiya.

“The main objective of this activity is simple lang—for women empowerment tungod kay gi-anchor nato ni sa programa nga Gender and Development. Bakit kailangan man nato i-empower ang kababaihan? Ngano man nga dili na lang nato pasagdan ang bana nga mao na lang ang mogamit sa sakyanan? Nakita namo nga dako kaayo ni siya’g natabang sa atoa personally and professionally,” matod ni Ms. Gloria Pamugas, division chief sa Employment and Workforce Development Division (EWDD).

Sa mensahe ni Gobernador Anthony del Rosario, gawas sa tumong nga makabaton ug kagahom (empowered) ang kababayen-an, gusto usab niya nga mawala ang mga pagpihig-pihig (biases) ngadto kanila.

“Women are often stereotyped as bad drivers, if there is a car backing-up slow, driving slow, parking wrong and slow, people assume that it’s a woman behind the wheel. Men have been driving longer than women so they are perceived as better drivers. However, the skills in driving is not entirely anchored to someone’s gender. . There are lot of women who race cars and there are men who do not even know how to drive and vice versa,” matod sa mensahe sa gobernador nga gihatod pinaagi ni Executive Assistant Nemeses Nuñez.

Bahinon ngadto sa tulo ka batches ang 75 ka mga trainees nga ang pagbansay sugdan Pebrero 24 ug mahuman hangtod Hunyo 2 uban sa pakig-alayon sa Technical Education and Skills Development Authority (TESDA) ug Tagum City College of Science and Technology Foundation Inc. (TCCSTFI). Ang probinsyal nga panggamhanan ang motubag sa galastohan sa pag-training gawas lamang sa pipila ka dokumento nga kinahanglan kumpletohon sa mga empleyada-trainees.

“What we have to do to get rid of the notion that women are bad drivers is to create more opportunities for women in terms of driving. This skills training is one example to hone the capacity of our Dabaonon women. This will then lead to more opportunities and possibilities for professional and personal growth,” dugang nga mensahe ni Gob AGR nga gibasa ni Nuñez.

Bisan kung orientation pa lang, nagplano na ang ubang empleyada-trainees nga mopalit ug kaugalingong sakyanan dihang mahingpit na silang drayber.

DavNor News