Best Provincial Commodity Investment Plan (PCIP) ang probinsya sa Davao del Norte labot sa implementasyon ug kini ang mag-representar sa Mindanao alang sa nasyonal search.
“Very clear. Sa implementation pa lang number one ang Davao del Norte entire Mindanao and very clear pod yung collaborative effort. Nagpapakita lamang yung ating mga provincial officers very professionals at alam na alam ano yung kanilang dapat na role,” matod ni Engr. Ricardo M. Oñate, ang OIC Regional XI Director sa Department of Agriculture ug kasamtangan nga Project Director sa mga Provincial Road Development Projects (PRDP) sa Mindanao area atol sa interbyu kagahapon Martes, Septyembre 19, 2017 sulod sa DavNor Pavilion.
Namatikdan pag-ayo sa OIC DA Director ang suod nga pagtinabangay sa mga opisyales gikan sa lebel munisipal ngadto na sa probinsyal nga lebel.
“Ang maganda dito is yung ating partnership. The point sa implementation kasi tama yung nagkakaintindihan. Yung dating ba ano yung requirement naku-comply kaagad . . Ang the best dito collaborative effort. From the municipal level, ang ating mga municipal mayors very supportive sa ating good governor. Maabtikon atong governor, then yung ating mga provincial officers, very clear, maganda yung harmonious relations with the Department of Agriculture,” pagdayeg ni Oñate sa mga opisyales sa munisipal hangtod sa probinsyal nga gipangunahan ni Gobernador Anthony del Rosario.
Giila ni Gobernador Anthony del Rosario nga garbo ang pagkapili sa Davao del Norte tungod sa mga programa alang sa kaayohan sa tanang Dabaonon ilabina ang mag-uuma.
“Of course we’re proud na kita gyod ang napili nga contender for the national award, and we are the contender coming from Mindanao. Kita dire sa Davao del Norte we’re very proud na kita gyod ang gipili tungod gyod na sa atong mga programs nga atong gihimo alang sa mga farmers especially sa atong cacao business. . hinaut unta kita gyod ang makadaog para mas lingaw ug mas lami pa,” matod ni Gob del Rosario.
Sa DavNor nga mga produkto nga apil sa PCIP, nag-una ang cacao dayon ang banana (cardava), cassava, coconut, coffee, durian, mangga, oil palm ug rubber ug abaca. Ang laing tulo pa ka mga produkto nga himoan pa ug PCIP naglakip sa kanding (Chevon), swine ug bangus.
“Actually nag-una ta ug cacao then followed by 9 commodities. That means ten ka crops ang apil sa atoang Provincial Commodity Investment Plan. Before siya nahimoan ug PCIP, naa siyay approved Value Chain analysis nga gi-undergo. . . As of today we have already ten approved PCIPs for the ten commodities,” pasabot ni Provincial Planning Development Office department head Engr. Josie Jean Rabanoz.
Sama kang Gob del Rosario mapasalamaton si Engr. Rabanoz nga ang DavNor mao ang napili nga mo-representar sa tibuok Mindanao.
“Very grateful ug malipayon kaayo ta nga napili being the best PCIP in Mindanao. . Ang Davao del Norte will represent the Mindanao cluster for the best PCIP. So dako kaayo na’g honor sa atoa maskin sa Mindanao level pa lang knowing nga . . we are 27 provinces in Mindanao, . . kita ang nag-top ug dako kaayo nang dungog para sa probinsya sa Davao del Norte,” matod sa PPDO head nga mao ang focal coordinating office sa tanang PRDP nga mga proyekto dinhi sa DavNor.
