Sa tuyo nga maparehas ang format sa news dispatch, nagpahigayon ang Davao del Norte Provincial Information Office kauban ang Association of Information Officers Network (A-ION) sa Philippine Information Agency ug usa ka adlaw nga Short Course/Workshop on Creating Uniform News Dispatch Byernes, Hulyo 21, 2017.
Ang usa ka adlaw nga kalihokan nag-represko ug nagtudlo sa mga IOs ug ilang staff apil na ang pipila ka mga information officers gikan sa mga National Agencies labot sa News Gathering/Writing, Camera Framing, Voice Over Audio Recording/Sounds, Video Editing ug ang pagpadala sa balita ngadto sa PTV DavNor.
“We will journey together as we write story, as we edit them, as we put the audio, as we arrange the video. This is a One DavNor activity. Walay province, walay munisipyo, walay city, we are all here to learn things as one province as one family and we are co-equals in this work,” pahayag ni Provincial Information Office Department Head Sofonias Gabonada, Jr.
Kahinumduman nga ang probinsyal nga kagamhanan sa Davao del Norte gitugotan sa National Telecommunications Commission nga makabaton ug tv station DXPT Channel 48 o kasagaran tawgon nga PTV DavNor epektibo Marso 15, 2017 hangtod Marso 14, 2020. Ang bag-ong PTV DavNor magsilbing bantawan aron mapaduol ang kagamhanan ngadto sa katawhan sanglit ilawom sa BEST PEOPLE development agenda sa administrasyong Gobernador Anthony del Rosario, hugot niining gituohan nga “ANG KAMATUORAN KATUNGOD SA KATAWHAN.”
Gipahayag ni A-ION presidente Romulo Sambajon, Jr. ang pasalamat sa grupo.
“This activity is needed to us because some of the information officers dili gyod ingon nga well verse in this kind of things. So thank you very much sa atong PIO, sa atoang probinsya nga naghatag ani nga seminar so that ma-enhance ang atoang mga information offices,” pasalamat ni Sambajon, Jr.
Si Dr. Merlyn Enriquez gikan sa opisina sa National Commission on Indigenous People (NCIP) mipahayag sab sa iyang apresasyon.
“First time ever. . but being in national agency. . . I am encourage to do something like this and with your partnership I guess it is not impossible for us to do such as this. Thank you so much for this learning,” matod ni Dr. Enriquez.
