Dili lang ang daghan nagkalain-laing produkto ang makita atol sa Kadagayaan 2017 kundili apil na niini ang mga bag-ong imprastruktura nga gi-inagurahan nga dugang makahatag kasayon ug makapadali sa paglihok alang sa kalamboan.
“The triple events that we undertook this afternoon depicts three of the most important investments of our provincial government which is very much a part of our transformative leadership. . This is the reason why we raise the bar in the learning and development of our people,” pahayag ni Gobernador Anthony del Rosario nga mapasalamaton sa suporta gikan sa mga department heads ug sa tanang mga empleyado sa Kapitolyo.
Matod ni Provincial Engineer Raul Mabanglo nga ang kanhi Bulwagan ng Lalawigan bilding gigastohan ug P3 milyones aron himoon nga Davao del Norte Learning Institute (DNLI) Bulwagan ng Karunungan.
“Ang una natong gi-blessingan ang DNLI building which is formerly Bulwagan ng Lalawigan gi-convert into a learning center. Naa ta’y 4 classroom didto, ang capacity sa isa ka classroom bale 40 ka estudyante. Naa pod ta’y gibutang didto sa taas ang Library. Then naa pod ta’y faculty room. Nagkantidad na siya ug almost P3 milyon pag-rehab, pag-convert into a DNLI Bulwagan ng Karunungan,” matod ni Engr. Mabanglo.
Ang DNLI nagsilbing eskwelahan alang sa mga empleyado nga wala pa makahuman ug kurso ug bisan niadtong gustong mokab-ot pa ug dugang edukasyon.
“Mi-proceed ta dire sa proposed PENRO building nga for 15 years pila ka bilding ang gi-transperan sa mao nga department. So karon naa na’y plano between 8-10 milyon ang atoang proposed budget. Initially naa ta’y P2M to start. Seguro mahuman nato na after two years, mabalhin na or next year sa atoang PENRO,” dugang pagbutyag sa DavNor engineer.
“Kini karon, nagkantidad ni siya ug P12.5 million. Nag start ta ani initially P2.9M, that’s the year 2012; then pagka 2014, nag-allocate na pod ang province ug another P6 milyon; then kini karon nga atoang gi-inaugurate mao na ni ang phase 3 nga P3 milyon. Naa pod ta’y on-going completion nga stockroom. Diha nato ibutang ang atoang mga equipments sa Disaster Responders including na ang mga relief goods, mga packs. So ang province nag-allocate ug P3 milyon,” padayong saysay sa hepe sa PEO nga nagtumong sa bag-ong imprastruktura sa PDRRMC.
Nianang pagka buntag sa Hunyo 23, unang gi-inagurahan ang DavNor Pavilion nga nagkantidad ug P7 milyones nga ang pondo naggikan sa nasyonal nga kagamhanan ingong insentibo sa pagdaog sa Performance Challenge Fund pinaagi sa DILG.
Gitug-an ni Engr. Mabanglo nga naatol gayod ang pagkahuman sa mga proyekto alang sa ika-50 nga anibersaryo sa probinsya apan dili lang ang mga gi-inagurahan ang kasamtangang proyekto sa administrasyon kundili daghan niini nagkatag sa lain-laing dapit gawas sa Kaptiolyo.
