Gipailawom na sab ang mga DavNor Day Care Workers sa tulo ka adlaw nga training workshop alang sa “National Early Learning Curriculum, New Standard for Child Development Center cum ECCD in Emergency” nga gipahigayon didto sa Raj Hotel, Tagum City sugod kagahapon, Mayo 3-5, 2017.

Katuyoan sa panggamhanan ni Gobernador Anthony del Rosario nga mahasubay gayod sa “standard” ang Early Childhood Care Development (ECCD) ug aron mahimong epektibo ang mga Day Care Workers sa paghatod ug serbisyo publiko ubos sa BEST PEOPLE development agenda  ug subay sa kampanya nga Abilidad at Malasakit kun “AMA.”

“We are involving our children. You are catering children 3-4 years old and yet we want them to be prepared in any eventualities or emergencies. We also want our children be provided with other information that would . . . capacitate them as little children,” pasabot sa PSWD Officer sa Davao del Norte Ms. Arlene Semblante labot sa katuyoan sa ipahigayong seminar ngadto sa piniling mga Day Care teachers.

“Kamo mga pinili. There are about almost 500 Day Care Centers in Davao del Norte and yet . . . less than 10% of Day Care teachers are being sent here. .  . . so in this learning that being introduced to you we want you to be capacitated, we want you to grow in providing the learning for the children,” padayong pahayag sa PSWD Officer sa Davao del Norte. 

Sa mensahe ni gobernador Anthony del Rosario, iyang gipasabot nga aron mapakusog pa ang pagka epektibo sa mga Day Care workers, katuyoan sa iyang administrasyon nga mahatag ang saktong edukasyon pinaagi sa pagpaeskwela kanila aron makakuha ug education degree lakip na ang mga college graduate daycare workers nga dili education ang kurso.

“Kadtong development agenda nga gitawag ug BEST PEOPLE that is really geared toward human development. . . For us to have a better province in the future, we need better people. That is why human development gyod ang atong ginatutokan. . . Realizing that, kami dire sa province thru the Davao del Norte Learning Institute. . . together with the Davao del Norte State College naa mi buhaton nga mga programa para sa mga Day Care workers. . . . para niadtong wala pa’y education degree,” pahayag ni Gobernador Anthony nga gisugat ug pakpak sa mga partisipante.  

Gidugang sa batan-ong gobernador nga ang probinsya, LGU ug ang estudyante magbahinay sa gastohan apan ang pinakagamay mao ang estudyante-trabahante nga daycare workers.

“Dapat mag-enroll mo pag magsugod na ang programa kay naa man siya’y financial assistance gikan sa province. . . Naay counterpart pod ang LGU. So morag gamay lang ang inyong bayronon. . . ang share ninyo 33% sa matrikula . . . para mo-qualify mo as Day Care workers, dugang pahayag ni gob Anthony nga gikalipay gayod sa wala pa kahuman pag-eskwela nga mga partisipante.

Ang pagbansay gihimo sa duha ka hut-ong, Mayo 3-5 ug 10-12, 2017 sa mao ra gihapon nga dapit.