Maayong paghatod ug serbisyo sa nanginahanglan ilabina ngadto sa mga kabos ang naghimo sa probinsya sa Davao del Norte nga ilhon ingong “Fully Functional Local Social Welfare Development Office” sa Rehiyon Onse atol sa ika-66 nga anibersaryo sa DSWD, Marso 3, 2017 didto sa Grand Men Seng Hotel, Davao City.
Matod ni Department of Social Welfare Development RXI Director Mercedita Jabagat, ang lokal nga SWDO sa DavNor nakakab-ot sa tanang mga sukdanan.
“As a fully functional we have our criteria and we validate and assess the office of the provincial social welfare and development office because for the entire Philippines all the Social Welfare Development Office should be functional,” matod ni Direktor Jabagat nga wala na usa-usaha paghisgot ang mga sukdanan nga nakab-ot.
Gidugang sa hepe sa DSWDO RXI nga sa tibuok rehiyon, bugtong ang Davao del Norte lamang ang nakakab-ot sa “gold” nga mga sukdanan lakip na ang pagdumala sa budget, mga personahe, opisina ug mga programa ilabina ang paghatod ug serbisyo ngadto sa kabos.
“For Davao del Norte they reached the gold award for that. That’s the highest because we have the bronze, silver and for the fully functional, it’s gold. . . Aside from the budget, part of the criteria, a staff complement particularly budget for the operation of the programs and services for the poor,” dugang pahayag ni Jabagat.
Gitambongan gayod ni gobernador Anthony del Rosario ang pagpasidungog sa probinsya nga andam gidawat ang hagit nga ipataas pa ang maayong nahimo na sa probinsyal nga SWDO.
“Wa gyod ko nag-expect nga kita lang diay ang fully functioning kay nagtuo ko nga sa tibuok nasod ang tanang social welfare office fully functioning. I was actually surprise nga kita lang diay sa Region XI. . . ato gyod na ipa-improve pa samot ang atoang Social Welfare Development Office kay kining PSWDO . . importante gyod ni nga opisina . . PSWD is going to be very vital and critical to the successful implementation to our BEST PEOPLE development agenda. . . So importante gyod nga pondohan ug ma-improve pa nato,” matod ni Gobernador Anthony del Rosario.
Gawas sa probinsyal SWDO, ang Tagum CSWDO, Kapalong MSWDO nakadawat sab ug pasidungog gawas pa sa indibiduwal nga bolunteeer sa Braulio E. Dujali ug asosasyon sa Talaingod KALAHI CIDSS nga giila ang ilang nahimo sa paghatod ug serbisyo.
“I was also surprise kay kita man gyod sa Davao del Norte ang nakadawat ug pinakadaghan nga awards karon nga adlaw. We got one from Kapalong and also from Tagum City, and of course sa province. . . Gipakita nato dire nga ang Davao del Norte andam gyod motabang sa mga indigents. . From Braulio Dujali and Talaingod pod. Proud pod ta sa atong mga LGUs ug sa atong mga volunteers dire sa atong Davao del Norte nga atong gina-padayon ang atong THE BEST efforts para sa katawhan,” pagdasig ni Gob Anthony nga ipadayon pa ang pagserbisyo ilabina ngadto sa mga kabos.
Photo: Gidawat ni Gobernador Anthony del Rosario ug mga kauban ang pasidungog sa Davao del Norte PSWDO, Tagum CSWDO, Kapalong MSWDO, Braulio E. Dujali Volunteer ug ang Talaingod KALAHI-CIDSS Federation Association sa ilang mga maayong nahimo sa paghatod ug serbisyo sa nanginahanglan ilabina sa mga kabos atol sa ika-66 nga anibersaryo sa DSWD Marso 3, 2017 didto sa Grand Men Seng Hotel, Davao City.
