Gipasaligan sa probinsyal nga panggamhanan ni Gobernador Anthony del Rosario ang bag-ong OIC-Provincial Director sa Davao del Norte atol sa turn-over ceremony Biyernes, Pebrero 24, 2017.

Sa usa ka simple nga turn-over ceremony nga gidumala ni Police Regional XI Director Police Chief Superintendent Manuel Gaerlan, gidawat sa bag-ong OIC-PD PSSupt Marcial Mariano Magistrado IV ang pagdumala gikan kang outgoing Acting Provincial Director PSSupt Ferdinand Sifuentes nga gitambongan ni acting governor vice-gov Alan Dujali, Executive Assistant Nemeses Nuñez, mga hepe sa 11 ka police stations ug mga kapolisan.

Sa iyang mensahe nga gihatod pinaagi ni Executive Assistant Nemeses Nuñez, gipasabot sa gobernador nga makasalig gayod ang probinsyal nga buhatan sa kapolisan sa suporta sa iyang administrasyon.

“Sir, you can count on us for support and is likewise a committed partner in your Law Enforcement for the maintenance of peace and order in the province. Mutual relationship is a must among the police and responsive community leaders towards the attainment of a safe place to live, work, invest and do business,” ang mensahe sa gobernador nga gibasa sa iyang Executive Assistant.

Gipasalamatan usab ni Gobernador Anthony ang sobra usa ka tuig nga pakig-alayon uban ni outgoing acting PD PSSupt Ferdinand Sifuentes.

“The provincial government of Davao del Norte had partnered and connect ties with DNPPO under the leadership of Police Senior Superintendent Ferdinand Sifuentes. On our part we will cherish the good things we’ve accomplished with our friend, Sir Ferdinand Sifuentes. Thank you for the valuable time devoted in serving Davao del Norte,” ang pasalamat-mensahe sa gobernador.

Ang bag-ong OIC-PD sa DNPPO gikan sa Police Regional Office XI nga hepe sa Regional Investigation and Detective Management Division (RIDMD) ug mipasalig nga tutokan ang internal cleansing sa ilang organisasyon lakip na ang pagsulbad sa mga kaso ilawom sa death under investigation sa Davao del Norte.

 

Photo:

Si OIC-PD PSSupt Marcial Mariano Magistrado IV, Regional Director PCSupt Manuel Gaerlan, kanhi PD sa Davao del Norte PSSupt Samuel Gadingan, Acting Governor, Vice-Governor Alan Dujali ug outgoing acting PD PSSupt Ferdinand Sifuentes human sa turn-over ceremony of command niadtong Byernes, Pebrero 24.

DavNor News