Nagtapok ang mga Information Officers (IO) sa Rehiyon Onse ug Civil Military Operations Officers (CMOs) sa 10th Infantry Division alang sa paghisgot sa Ambisyon Natin 2040.

Ang Ambisyon Natin 2040 mao ang tiningob taas nga panglantaw ug mga pagdahom sa nasod ug mga Pilipino labot sa kinabuhi nga ilang gusto pag-abot sa tuig 2040. Kini sab ang magsilbing angkla alang sa kalamboan nga maglangkit ug upat ka sunod-sunod nga administrasyon.

Ang taas nga plano sa kalamboan gipasiugdahan sa National Economic Development Authority (NEDA) human sa daghang konsultasyon sa lain-laing sektor sa gobyerno, pribado, akademiya ug sibil nga katilingban sa tumong nga mawala ang kapobrehon ug motaas ang kalidad sa kinabuhi sa mga Pilipino.

Matod ni RXI Philippine Information Agency Director Efren Elbanbuena nga sanglit ang mga IOs anaa nakabase sa lainlaing lokal nga gobyerno, sila ang dali makapasa sa mga impormasyon nga angay’ng masayran sa katawhan ilabina sa nahilit nga komunidad.

“Because of the new administration, so we had to introduce some of the important thrusts and programs of the Duterte administration. . . . Nganong kamo lang Information Officers in the Local Government Unit. Why did I not involved the national agencies and why is it that again I invited the Civil Military Operation Officers of the 10th Infantry Division. . . Because of your importance to the PIA, because you are our partners, the local government units,” pasabot ni Direktor Elbanbuena. 

Gipasabot ni Ms. Catherine Laguesta, Chief Development Research Division sa NEDA RXI nga ang Ambisyon Natin 2040 dili usa ka plano kundili usa ka tumong nga human sa 25 ka tuig ang mga Pilipino magtagamtam na ug lig-on nga ekonomiya, hayahay, malinawon nga kinabuhi.

“The life we want is matatag, maginhawa at panatag na buhay. What can you do to support this vision and attain its reality?” pangutana ni Laguesta nga gipasibaw ngadto sa mga Information Officers ug mga Civil Military Operations Officers.

Bisan kung ang maong pagdahom maoy ambisyon lang apan malaumon ang hepe sa Research Division sa NEDA XI nga kini makab-ot kung ang tagsa-tagsa ka Pilipino aktibong makigbahin aron matuman ang maong damgo bisan pa man ilalom sa lain-laing administrasyon.

DavNor News