Gipadayag ni Vice Governor Clarice T. Jubahib nga magduso og usa ka legislative measure sa unang kwarter sa 2027 aron mapalambo ang kaayohan sa mga Barangay Health Workers (BHWs) ug Barangay Nutrition Scholars (BNSs), subay sa hustong proseso sa pagpanday og balaudnon. Iya kining gisulti atol

sa DavNor Health Summit 2026 nga gipahigayon sa Carmen Municipal Gymnasium niadtong Oktubre 23, ubos sa temang “One Healthy DavNor.”

Sa maong kalihukan, iyang gi-ila ang dedikasyon sa mga BHWs, ug BNS nga nagalihok sa ilang mga dapit. Dungan sab nga iyang gipadayag ang mga nagkadaiyang programa sa panglawas nga gipasiugda sa iyang buhatan sama sa health caravan services, social services ug ang tingoha nga makab-ot ang zero cases sa Severe Acute Malnutrition (SAM) o grabeng malnutrisyon sa mga kabataan sa probinsya.

Ang bise gobernador maoy nahimong pinasidunggang dinapit sa summit nga

gitambongan sa mga delegasyon gikan sa mga lokal nga panggamhanan, lakip ang mga doktor, nurses sa mga ospital, kawani sa rehabilitasyon ug pipila ka mga department heads sa Kapitolyo, lakip ang Provincial Health Office , ug uban pang nitambong.

Samtang, gipasidunggan sa mga tig-organisar sa summit ang nagkadaiyang ahensiya ug mga indibidwal pinaagi sa paghatag og mga plake sa pag-ila alang sa ilang kontribusyon sa pagpalambo sa kahimsog sa mga lumulupyo sa Davao del Norte.

 

 

 

DavNor News