Malampusong nakagradwar ang 91 ka iskolar sa Davao del Norte Learning Institute (DNLI) atol sa ika-7 nga Commencement Exercises niadtong Agosto 27, 2026, isip pagpasidungog sa ilang pagtapos sa pag-eskwela pinaagi sa libre nga inisyatiba sa Probinsyal nga Panggamhanan sa Davao del Norte.
Ang mga graduates nag gikan sa nagkalain-laing academic programs nga gitanyag pinaagi sa pakigtambayayong sa DNLI ug Davao del Norte State College, diin duha ka graduates ang nakatapos sa Master of Public Administration (MPA), 26 sa Bachelor of Public Administration (BPA), 32 sa Bachelor of Science in Entrepreneurship (BSEntrep), ug 31 sa Bachelor of Science in Disaster Resiliency and Management (BSDRM).
Nagsilbing commencement speaker sa maong seremonya si Vice Governor Clarice Jubahib, nga girepresentahan ni Board Member Ronald S. Eliot. Sa iyang mensahe, iyang gidasig ang mga graduates nga gamiton ang ilang mga nakat-unan aron makahatag og maayong serbisyo ug makatampo sa pagpauswag sa kinabuhi sa uban.
“As you enter the next chapter of your lives, I hope you will carry not only the knowledge you gained from your studies but also the responsibility that comes with it. Whether you become public servants, entrepreneurs, professionals, educators, or community leaders, always ask yourself—‘Unsa may akong mahimo para mahimong mas maayo ang kinabuhi sa uban?’”sumala ni BM Eliot.
Mihatag usab og mensahe si Governor Edwin I. Jubahib, isip Chairperson sa DNLI Provincial Advisory Board, nga girepresentahan ni Provincial Administrator Atty. Ralph P. Dela Cruz. Iyang gihatagan og gibug-aton ang kamahinungdanon sa paghulma sa mga personahe likod sa maayo ug kalidad nga serbisyo publiko pinaagi sa DNLI.
“If we want quality public service, it should start from the people behind it. That is why the province is investing in our human resource by providing accessible relevant higher education,” ingon ni Atty. Dela Cruz.
Sa mensahe ni DNLI Executive Director Dr. Mervin Jay Z. Suaybaguio, iyang gipasiugda ang determinasyon ug paglahutay sa mga graduates nga nakahimo sa pagbalanse sa ilang responsibilidad sa trabaho, pamilya, ug pag-eskwela. Iya usab gitagaa’g bili ang kaagi sa iyang pamilya sa pagkugi sa pag eskwela isip inspirasyon sa mga mitapos.
“Do not simply say graduate nako, say instead na kaya nako, wala ko niundang, ug kung nakaya nako, kaya pud sa uban. May this graduation remind us all that it is never too late to learn, never too late to dream again, ang never too late to change the course of our lives,” sulti ni Dr. Suaybaguio.
Ang maong kalihokan nagtimaan sa laing hugna sa kalampusan sa DNLI sa padayon nga paghatag og oportunidad sa mga Dabaonon, ilabi na sa mga kawani sa gobyerno, nga makapadayon ug makatapos sa ilang tertiary ug graduate education.
