Sikop ang duha ka mga dumptruck ug usa ka payloader, nga gipanag-iyahan sa usa ka opisyal, nga aktong nahilambigit sa illegal quarrying sa Sitio Naseco, Sto. Niño, Talaingod, Davao del Norte ganinang buntag, Agosto 12, 2026.
Dakpan ang mga ekwipo sa gikasa nga Oplan Dakop sa Mines Division sa Provincial Environment and Natural Resources Office (PENRO), ilawom sa gipakusog nga "No Permit, No Delivery Receipt, No Extraction Policy" ni Governor Edwin “Kuya Gob” Jubahib.
"Warning kini sa tanan nga wala tay pinalabi ug wala tay palampason. Dakpon jud nato ang ni bisan kinsa nga mahilambigit sa illegal quarrying. Kinahanglan nga ang tanan nga mo-engage sa quarrying mokuha jud og saktong extraction permit ug delivery receipt," pahimangno sa gobernador.
Wala gipanganlan ni Kuya Gob ang maong opisyal aron panalipdan ang nagpadayon nga imbestigasyon.
Gihatagan og hibug-aton ni Kuya Gob nga ang koleksiyon sa quarry permit fees, extraction taxes ug uban pang regulatory collections ginagamit sa probinsiya aron dugang pundo sa social services, sama sa Oplan KKK, health service ug Zero Billing program, pag-abli sa mga kalsada ug uban pang mga proyekto.
Ang balaod sa quarrying subay sa Provincial Tax Ordinance No. 2023-002, kon, New Revenue Code of the Province of Davao del Norte, diin nakalatid sa Section 142 nga ang madakpan nga walay delivery receipt pagahamtangan og multa nga P1,000 per cubic meter sa 1st offense, P2,000/cu m sa 2nd offense ug P3,000/cu m sa 3rd offense.
Ma-impound ang ekwipo ug materyales sa dili kabayad sa penalty.
