Opisyal nga giablihan ni Vice Governor Clarice T. Jubahib ang Governor’s Cup 2026 Inter-City/Municipality Sports Tournament niadtong Hulyo 18 sa DavNor Training Center, DNSTC, Mankilam, Tagum City.

Gipahigayon sa Office of the Vice Governor ang maong kalihokan sa pakigtambayayong sa Provincial Sports, Youth and Development Office (PSYDO) ubos sa pagpanguna ni PSYDO Head Giovanni Gulanes.

Nag-apil sa maong torneyo ang mga atleta gikan sa nagkalain-laing siyudad ug munisipyo alang sa kompetisyon sa volleyball sa mga lalaki ug babaye, ingon man sa basketball alang sa men’s under-25 ug ubos nga mga kategorya.

Gipasabot sa PSYDO nga ang tumong sa isports dili lamang ang pagdaog kondili ang pagpaugnat sa kusog, pagpalambo sa talent, ug pagpalig-on sa panaghiusa. Ubos sa banderang “Kalaro Kita, Hindi Kalaban,” giawhag ang mga atleta nga magpakita og respeto, disiplina, ug sportsmanship sa matag kompetisyon.

Ang mga dula ipahigayon matag Sabado ug Dominggo ug gikatakdang matapos sa kataposang semana sa Agosto.

Writer: Lorna Tripoli