Bukas ang mga opisyales sa probinsiya sa Davao Occidental sa sugyot ni Governor Edwin “Kuya Gob” Jubahib nga gamitan og kanyon ang landslide dam sa lungsod sa Jose Abad Santos (JAS) aron mahilayo sa peligro ang mga residente niini.
Pagkabalo ni Kuya Gob sa dakong hulga sa natural damming sa Barangay Butulan, gisugyot niya diha-diha dayon ang paggamit sa artillery fire, kon, pagkanyon sa yuta nga mibabag sa suba, aron makaagi ang tubig ug malikayan ang grabe nga trahedya.
Niadto sa DavOcc ang gobernador niadtong adlawng Biyernes, Hulyo 17, 2026, aron mohatag og P1 million para sa probinsiya sa Davao Occidental, samtang P500,000 alang sa lungsod sa JAS ug P500,000 usab alang sa lungsod sa Sarangani.
Dakong peligro sa mga komunidad sa ubos kung padayon nga mosaka ang lebel sa tubig nga delikado kaayo kung mahugno ang yuta nga nagbabag nga hinungdan unya sa kalit nga grabeng pagbaha.
Sulti ni Hon. Bianca Ricci Bautista-Navarra nga maayo kini nga sugyot ni Kuya Gob ug ila kining ikonsidera sa sunod nga meeting sa Provincial Disaster Risk Reduction and Management Council (PDRRMC) sa DavOcc.
Si Provincial DILG Director Atty. Djamyla Caballero nagpasalamat usab kay Kuya Gob kay kung wala siya miadto wala sila kahunahuna sa maong estratehiya isip usa ka pamaagi aron mapuhag ang artificial dam.
“Nagpasalamat mi kay Governor Edwin kay it was a very insightful na suggestion. During our discussion unsaon pagpuhag aning artificial damming nato, wala pa nato na come up kini nga alternative strategy… it is a novel idea and I think na given the situation nga ang artificial damming lisod siya mapuhag because naa sa bukid dili accessible by land ug dili masakaan ug mga ekwipo… so ang suggestion ni gov… worthy of consideration,” sulti niya.
Si JAS Mayor Atty. Jason John Joyce nagkanayon nga suhiron nila kining alternatibong paagi aron mabangagan ang yuta nga nagbabag sa suba, ug para mawala ang kabalaka sa possibleng flashflood mga makaapekto sa mga komunidad sa ubos.
“Nahihirapan kaming maghanap ng ano kaya ang proper way na ma-open ang dam. Its very nice to have the input of our RDC Chairman Gov. Jubahib na pwedeng gamitan ng kanyon para mabutas ang dam. So, we are currently exploring this and after this magmi-meeting ang PDRRMO with other government agencies para ma-explore 'yun. Because we have been exploring other ways...hindi ito nasali sa suggestions sa amin. We are open to these suggestions para ma-solve ang problem and we are very thankful sa expertise ng ating RDC Chair in suggesting this and we hope na it will work para matigil na 'yung takot ng mga tao na nakatira sa gilid ng ilog natin, na baka masali sila sa flashflood," sulti niya.
