Mainitong giabi-abi sa Provincial Government of Davao del Norte ang bag-ong Regional Director sa Civil Service Commission (CSC) Regional Office XI nga si Atty. Prisco Rivera Jr. atol sa courtesy meeting nga gipahigayon sa Provincial Governor's Office Conference Room, gahapong adlawa Hulyo 8, 2026.

Atol sa miting, gipasalamatan ni Provincial Administrator Atty. Ralph Dela Cruz ang padayon nga suporta sa CSC sa mga programa sa probinsyal nga panggamhanan, ilabina sa mga inisyatiba sa Provincial Human Resource Management Office. Gilaoman niya nga mas mapalig-on pa ang panag-uban tali sa CSC ug sa probinsya pinaagi sa dugang nga mga plano ug programa alang sa kauswagan sa pagserbisyo sa katawhan.

"On behalf of our Governor Edwin I. Jubahib, maraming salamat po sa maraming tulong ng CSC especially sa HR programs. Hoping na marami pa tayong mga programa na maisagawa dito sa probinsya ng Davao del Norte," ingun ni Atty. Dela Cruz

Gipasalig usab ni Regional Director Rivera ang iyang hingpit nga suporta ug kooperasyon sa probinsya. Ingun niya, human sa hapit 30 ka tuig nga pag-alagad sa Civil Service Commission, usa sa iyang prayoridad isip bag-ong regional director mao ang pagpalig-on sa pakigtambayayong sa mga lokal nga panggamhanan ug partner agencies aron mas mapalambo pa ang kalidad sa serbisyo publiko.

"Naniniwala ako na mas may magagawa tayo together. Maraming salamat sa province ng Davao del Note talaga for the support," sulti ni Rivera