Napuno sa kasadya ug malipayong panaghiusa ang selebrasyon sa Pride Month isip kabahin sa ika-59th Araw ng Davao del Norte diin gibida ang Pride colors isip simbolo sa paghinigugmaay ug inklusibong pagsaulog sa anibersaryo sa lalawigan karung adlawa sa Davao del Norte Sports and Tourism Complex (DNSTC), Tagum City.
Nagkahiusa ang mga miyembro sa LGBTQIA+ community, mga empleyado sa gobyerno, ug mga kaubanan gikan sa lain-laing sektor sa usa ka hapon nga puno sa kalingawan pinaagi sa unveiling of Pride Lane, Pride March, Mardi Gras Competition, Pride Saludo, Amazing Race, ug HIV & AIDS Sundown Clinic.
Gipangunahan ang selebrasyon sa Vice Governor’s Office ug sa Probinsyal nga Panggamhanan sa Davao del Norte diin nagsilbi kining plataporma aron mapalig-on ang mensahe sa pagtahod sa matag indibidwal, samtang gipasiugda usab ang panaghigalaay ug kooperasyon sulod sa komunidad.
“Lipay mi kay first ever [celebration] ni sa probinsya. Ayaw mo kabalaka kay dili kini ang katapusan, sinugdanan palang ni…Among paningkamotan na matagaan mog pondo kay para ni sa inyoha,” sulti ni Vice Governor Clarice Jubahib.
Dugang pa ni Provincial Legal Officer Atty. Charina Cabrera, dili babag ang gender identity para makapahimulos sa balaod. Sa kasamtangan, padayon ang pagpaningkamot sa Probinsyal nga Panggamhanan nga matagaan og patas na pagtagad ang pride community.
Sa maong selebrasyon, gitugyan isip kampyeon ang mga delegado gikan sa Island Garden City of Samal sa kategoryang biggest delegation, mardi gras, ug saludo competition.
Biggest delegation:
1st place: Island Garden City of Samal
2nd place: Municipality of Braulio E. Dujali
3rd place: Municipality of Santo Tomas
Winner of Mardi Gras Competiton:
1st place: Island Garden City of Samal
2nd place: Municipality of Kapalong
3rd place: Municipality of Carmen
Best in Saludo:
1st place: Island Garden City of Samal
2nd place: Municipality of Santo Tomas
3rd place: Municipality of Braulio E. Dujali
Amazing Race:
1st place: Municipality of Asuncion
2nd place: Municipality of Santo Tomas
3rd place: Municipality of Braulio E. Dujali
Subay sa pagsaulog sa Pride Month sa probinsya mao ang pinakaunang Reyna ng DavNor 2026 nga ipahigayon karung gabii sa DavNor Gym, DNSTC, Mankilam, Tagum City.
