Sugdan na sa probinsiyal nga panggamhanan ang operasyon sa Task Force Davao del Norte sa 3rd quarter karong tuiga, aron ipatunhay ang kalinaw ug seguridad sa probinsiya batok terorismo, insurhensiya, kriminalidad, droga ug uban pang hulga.
“The purpose is for maintaining peace and order and to lower the crime rate in Davao del Norte,” sulti ni Governor Edwin “Kuya Gob” Jubahib, human sa gipahigayon nga Provincial Peace and Order Council Meeting, niadtong adlawng Biyernes, Hunyo 22, 2026
Gibutyag sa gobernador nga mag-hire ang probinsiya og 240 ka dugang pwersa sa CAFGU Active Auxiliary (CAA) - Category 2, nga maoy mobantay sa 13 ka checkpoints sa mga boundary sa probinsiya sa tanang oras 24/7.
“Para maglisod sulod ang dunay dautang balak o maglisod sila himo og dautang operation sa atong probinsiya tungod kay adunay kitay additional forces nga pwede makadakop sa ilaha. For the boundaries with other provinces, we will have 13 checkpoints,” ingon sa gobernador.
Dugang 10 pa ka mga checkpoint ang itukod sulod sa probinsiya, labi na sa mga boundary sa mga dakbayan ug lungsod, aron walay lusot ang mga dautang elemento.
Apil sab nga i-monitor sa mga ckeckpoint ang kampanya batok sa illegal logging ug sa bio-security, aron luwas ang probinsiya sa African Swine Fever, Avian flu ug uban pa.
Plano sa gobernador nga magbutang og daghang mga CCTV camera para sa mga footages, dungan sa pagmugna sa usa ka opisina sa Kapitoluo aron pag-monitor sa mga dili maayong elemento sa probinsiya.
Saysay ni Kuya Gob nga ang pagmugna sa TF Davao del Norte usa ka lakang kini isip tubag sa nagkagamay nga puwersa sa kasundaluhan, sanglit usa na lang ka battalion sa kasundaluhan ang nabilin sa probinsiya.
Now, we have only one battalion left. Ug ang usa lang ka battalion nato gi-cover pa ang part sa Agusan del Sur ug Bukidnon. Gamay na lang ang atong security force. Ug ang giatubang nato nga problema karon, yes, na-maintain nato nga insurgency-free ta, zero visibility ang guerilla forces sa New People’s Army, but anaa pay white area nga nag-operate sa mga universities and companies nga dapat atong labanan nga dili mo-take off ang ilang movement,” sulti ni Kuya Gob.
