Dako ang natabang sa paglambo sa panginabuhian sa mga lumad sa Asuncion ang Kawsa sa Agrikultura ug Panginabuhian sa Barangay (KAAGAPAY) program sa Probinsiyal nga Panggamhanan sa Davao del Norte. Usa sa mga nakabenepisyo ang KAAGAPAY SLP kon Sustainable Livelihood Program sa Barangay Sonlon. Gisaysay sa presidente niini nga si Gilbert Lasarga nga sa sinugdanan nag-atiman lang sila’g mga manok, apan karon aduna na sila’y duha ka tindahan ug lig-on nga pondo sa asosasyon.

Si Lasarga usa sa mga nitambong sa ikaupat nga hugna alang sa massive orientation niadtong Septyembre 18, sa Barangay Cambanogoy, Asuncion.

Gipangunahan kini ni KAAGAPAY Lead Arnel Montero uban sa representante ni Provincial Governor Edwin I. Jubahib, nga mitunol og libreng life insurance cards ug semilya sa durian.

Gikan usab sa Provincial Environment and Natural Resources Office ug Provincial Veterinary Office ang mga resource speaker nga mipahigayon og pagtulon-an kabahin sa hustong pag-atiman sa free-range chicken alang sa buot mamahimong benepisyaryo sa maong programa.

Writer: Lorna Tripoli