Gidagsa sa mga taga-Tagum ug silingang lugar ang World Café of Opportunities, usa ka job fair nga gipasiugdahan sa TESDA Region XI uban sa Tagum City Employment and Services Office ug TESDA Davao del Norte Field Office, nga gipahigayon sa Tagum City Atrium Hall niadtong Septyembre 3.
Pasado alas-4 sa hapon atol sa Tech-Voc Day nagpahitabo gilayon og press conference ang TESDA diin gikumpirma nga gikan sa 39 sa 2024, niabot sa 51 ang na-hire on the spot karong tuiga, nga sumala pa ni TESDA Provincial Director Jasmin Neri misaka og 200 porsyento, gikan sa 24 ra unta nga ilang gilauman. Sagad sa mga nadawat gikan sa construction sector. Ang job fair kabahin sa pagsaulog sa National Tech-Voc Day.
Lakip sa gitanyag nga trabaho ang lokal ug overseas employment pinaagi sa Department of Migrant Workers, uban sa partisipasyon sa daghang private stakeholders.
“This significant activity, the World Café of Opportunities from Tech-Voc Day, is truly our initiative for our job seekers. With that, we are very happy to announce, together with our valued stakeholders, employers, administrators, friends from the local government unit, and of course, our constituents of Davao del Norte, that today we have our initial ‘Hired-on-the-Spot’,” sumala ni Neri.
Samtang, gipasabot usab ni TESDA Regional Director Ramon Evan Ruiz, nga gipaningkamotan karon sa TESDA ang pag-upgrade sa ilang programa pinaagi sa bag-ong curriculum aron kini mahaom sa panginahanglanon sa digital age, paggimaw sa mga Artificial Intelligence o AI, ug robotics.
“Nag-a-update kami ng curriculum so that we can be responsive also to the needs of the times. ‘Yon pong obsolete na pina-face out na natin sila. Remember, the skills of the future will be talking about artificial intelligence, robotics, mechatronics – these are the things that something we look forward in the next 10 years, 20 years, 30 years,” matud ni Ruiz.
Dugang niya, luyo sa pagdominar sa teknolohiya gikinahanglan pa gihapon niini ang manpower.
“We are not replacing technology. We are supplementing. Ibig-sabihin ‘nun, tao pa rin po ang mag-mobilize ng ating mga robots o kaya mga machines. Kaya hindi na man po talaga i-replace kasi ‘pag walang tao, wala pa ring magmo-move diyan sa mga technology na ‘yan,” sulti niya.
Writer: Lorna Tripoli
