PUNO og pagdasig ang mensahe ni Gobernador Edwin (Kuya Gob) Jubahib atol sa “Awarding” sa mga midaog nga Sangguniang Kabataan Councils ug Sangguniang Kabataan Federations sa mga Best Practices nga gihimo diha sa ilang barangay Huwebes, Abril 22.

“The fact nga nakadaog mo, it only shows nga nagtrabaho mo, naglihok mo sa inyohang tagsa-tagsa ka mga barangays. Dili lalim nga maging leader. Daghang expectations ang ginatan-aw sa atoa. . Challenge sa tanang mga SK winners karong first awarding nato sa Most Outstanding Sangguniang Kabataan Council and Sangguniang Kabataan Federation unsaon pag-sustain,” mensahe ni Kuya Gob pinaagi ni Provincial Administrator Engr. Josie Jean Rabanoz.

Ang Davao del Norte dunay 223 ka barangays nga gi-kategoriya ingong “rural ug urban” sanglit managlahi ang gidak-on ingon man pondo nga magahin ngadto sa SK Council.

“Dili pasabot nga kung wala kay funding di ka kalihok. A good leader kabalo mangita og diskarte, kabalo mangita og pamaagi kung unsaon ma-deliver ang services intended ngadto sa atoang mga kaigsoonan. Di kinahanglang nga dinagko ang kwarta kundili unsaon nato pag-strategize. Challenge sa inyoha unsaon ninyo pag-strategize in a way ma-deliver ninyo ang what is expected from you,” padayong pagdasig nga mensahe sa gobernador.

Sa pagsugod sa iyang termino sukad Hulyo 2019, kanunay’ng mogawas sa opisina si Kuya Gob og personal nga gibisita ang 11 ka LGUs ug barangays labina ang mga hospitals ug importanteng imprastruktura sa probinsya aron masayran ang tinuod nga kahimtang.

“Kinahanglan mogawas ka, motan-aw ka sa imohang palibot, mosuroy ka, iapil ang mga council members, mga council members sa purok para gyod makit-an ninyo unsa gyod ang kinahanglan didto sa inyong tagsa-tagsa ka mga area. Unsaon nimo pag-come-up og mga suggestions, formulation og mga palisiya kung wala ka makakita sa gawas. Mao na si Kuya Gob gina-encourage ang mga department heads nga mogawas, motan-aw og mo-feel kung unsa’y sitwasyon. Same with you as a good leader, exposed mo. Nakabalo ko mao na inyong gihimo kay nakuha ninyo ang award,” dugang pahayag sa Provincial Administrator labot sa ehemplo nga gipakita sa “hands-on” nga gobernador.

Midaug ang Nueva Fuerza sa Tagum City alang sa rural category nga gisundan sa Sta. Cruz, New Corella ug Salvacion, Sto. Tomas samtang ang Visayan Village sab ang midaog sa urban category nga gisundan sa Maniki, Kapalong dayon ang Magugpo South sa Tagum City.

Alang sa SK Federations giangkon sa Panabo City ang first place (city level) dayon ang Carmen ug Sto Tomas alang sa municipal level.