KUMPLETO na ang “Business Process Flow and Detailed Procedures” alang sa 18 ka departamento sa DavNor Kapitolyo sa probinsyal nga panggamhanan ni Kuya Gob Edwin I. Jubahib gilunsad Marso 22, 2021.

Ang “Business Process Flow and Detailed Procedures” maoy magsilbing giya alang sa publiko nga mohimo’g transaksyon sa usa ka opisina para sa dali, episyente og hapsay nga pamaagi sa pagkab-ot sa gitinguha maayong resulta.

Gipangunahan sa Provincial Governor’s Office--Internal Audit Services Division (PGO-IAS), kini nga mga dokumento magsilbing modelo alang sa maayo og dali motubag nga panggamhanan.

Sumala ni DavNor Provincial Administrator Engr. Josie Jean Rabanoz nga naghatag sa mensahe ni Kuya Gob, ang maong dokumento mohatag kasayon sa publiko lakip na ang pag-monitor sa mga kalihokan og mga proyekto.

“This best practice foster consistency, transparency and discipline to all routine transactions and processes in the agency to protect not only our integrity but also adhere to the highest moral standards of governance. We are certain that if successfully implemented, everyone understands better on how it contribute to the achievement of organizational goals with translucent monitoring of activities specifically on particular projects, responsibilities, time tables, performance targets, budgets, among others.”

Ang DavNor “Business Process Flow and Detailed Procedures” makatabang sab nga malikayan ang daghang sayop, balik-balik nga trabaho og kalangan. Tungod niana dali nga mahuman ang transaksyon nga moresulta sa pagdaginot sa mga kahinguhaan (resources) lakip na ang panahon.

Atol sa paglunsad gipasidunggan sa Provincial Human Resource Office (PHRMO) ang Provincial Engineering Office (PEO), Provincial Planning and Development Office (PPDO) og Provincial Treasury Office (PTO) ingong Top Three departments nga sayo nag-submit sa ilang dokumento lakip na ang mga empleyado nga direktang langkit sa maong proyekto.