Gisugdan kagahapon, alas siyete sa buntag ang pagbakuna sa Sinovac vaccines sa mga health workers sa Davao Regional Medical Center sa Tagum City, diin dugay nang gihulat sukad pa sa pag-abot niini niaging duha ka adlaw.
Unang nabakunahan ang mga Department Executives sa DRMC atol sa seremonyas nga sila Dr. Rodel Flores, Chief of Clinics, si Mr. Marvin Bohol, Chief Administrative Officer, Mr. Edilberto Bundalo, Chief Finance Officer, Dr. Jasmin Dela Cruz, Infectious Disease Specialist ug Mr. Fructoso Vicada Jr., Ambulatory Care Center Head Nurse.
Matud nila, wala silay nabati sa ilang lawas gawas sa kasagarang ngolngol sa tusok sa dagom. Panid-an pa nila ang reaksyon sa ilang lawas sa mosunod nga mga adlaw. Dugang nila, mobalik sila human sa usa ka bulan alang sa ikaduhang dosis.
Sa pagpanguna ni Department of Health Secretary Francisco Duque III sa maong patigayon, iyang gipasiguro ang katawhan nga luwas, epektibo ug de-kalidad ang bakuna bisan kini gikan sa nasud China. Siya nagpadayon sa pagpadasig nga dili mahadlok sa “Adverse Events Following Immunization” (AEFI) tungod kay mubo lang ang porsiyento sa mga minor side effects nga molangkob menos 1% tandi sa kinatibuk-ang nahatag nga dosis.
“Alam po natin itong unang dumating na mga bakuna; 600, 000 Sinovac, 525, 000 na AstraZeneca equals around almost 1.2 million doses. Kakaunti ‘yan! Ilan ba ang kailangan ng sambayanang Pilipino? Ilan ba ang kailangan ng healthcare workers ng Pilipinas? 3.4 million doses ang kailangan natin. Kung Idi-divide mo yan it’s less than 30% ang meron tayo ngayon. Ay, bakit tayo magdadalawang isip? Tanggapin ito? Hindi ba dapat magpasalamat nga tayo at bilisan natin magpaturok tayo,” sulti sa health secretary.
Sa pagsubay sa mando ni Presidente Rodrigo Duterte, nga ipadali ang pag-roll out sa mga medical frontliners aron masunod gilayon ang ubang nakalinya sa priority list, si DRMC Chief Dr. Bryan Dalid, mipadayag sa iyang kinatibuk-ang suporta pinaagi sa pag-awhag sa iyang ginsakopan aron mabakunahan tanan.
“2, 216 po ang ating mga empleyado. Almost 90% na po ang nag-Yes. ‘Yon pong natitira ay mga above 60 na healthcare workers na nag-Yes din po. Meaning to say willing sila mabigyan ng bakuna na appropriate sa kanila… Priority po natin dito kung darating na ang Astra, kasi pwede po ‘yon sa mga above 60,” pagsaysay ni Dr. Dalid.
Dugang niya, “Ang target po namin ay 400 - 500 vaccination patients per day kasi po noong isang araw, sinabihan po ako ni Dir. Yuma na ang suggestion niyo daw po bilisan yong roll out as much as possible maraming ma-vaccinate sa isang araw at the same time we will maintain the safety of the employees.”
Kagahapong adlawa, alas singko sa hapon, dunay natala nga 449 ka mga empleyadong nagpabakuna. Magpadayon ang pagbakuna hantud sa adlaw’ng Biyernes aron matiwas ang tanang mga healthcare frontliners sa DRMC. Human nila, mosunod gilayon ang mga senior citizens, uniformed personnel, with comorbidities ug ang nabilin nga populasyon.
“You aim for a 100% coverage as much as possible. To the naysayers, to the doubting Thomases, please I appeal to you, you join this bandwagon of our vaccination program. It is truly the key to our normalcy. It is truly the key to recovering our economy,” padasig ni Sec. Duque III.
