Gipamatud-an ang kaepektibo sa Whole-of-Nation Approach to End the Local Communist Armed Conflict (ELCAC) ni Presidente Rodrigo Roa Duterte pinaagi sa pagsurender sa walo (8) ka mga aktibong miyembro sa CPP-NPA nga naglibot sa utlanan sa Agusan Sur, Davao de Oro ug del Norte ngadto sa awtoridad uban ang onse (11) ka mga armas ug walo (8) ka mga backpack lulan ang ilang pagkaon, sanina, medisina, mga reserbang magasin ug bala.
Atol sa gipahigayong Press Conference didto sa 60th Infantry Battalion (IB) Headquarters, Camp Morgia, Brgy. Doña Andrea, Asuncion niaging Miyerkules, Oktobre 7, 2020, gisaysay ni LTC Ronaldo Sarmiento, Battalion Commander, ang pipila ka operasyon ug mga engkwentro tali sa hiniusang pwersa sa kasundaloan, kapulisan, mga opisyales sa lokal nga panggamhanan, mga tribal o IP Bagani ug mga ordinaryong masa batok sa mga rebeldeng terorista. Matud niya, ang maong panaghiusa, maoy nakatukmod sa mga rebelde nga mobalik sa sabakan sa gobyerno.
“But the dismantling of these terrorist groups and clearing of the areas was not simply the product of our combat operations alone. Our local chief executives and other elected officials, local and national government employees, teachers, social workers, agricultural and livelihood technicians, legal practitioners, media partners and many others are proactively doing their part in the fight against insurgency like never before seen in the 5-decade campaign. And adding formidable strength to this campaign are the community influencers, tribal leaders and civilian volunteers whose only weapon against the enemy is their hope and aspirations for their ancestral lands and their people,” sulti ni LtC Sarmiento.
Sigon sa managlahing higayon nga pagbutyag sa mga surrenderees, ang mga hinungdan sa ilang pagtugyan sa balaod ang walay hunong nga combat operation sa 60th IB ug ubang Arm Forces of the Phillipines (AFP) units sa mga nahisgutang lugar hinungdan nga wala na silay madaganan, nahutdan sa pagkaon ug supplies mao ng naglatagaw sila sa grabeng kagutom ug kakapoy. Dugay na daw nilang plano mosurender apan nahadlok sa bahad sa ilang commander.
Dugang pa nila nga ang pagpahigayon ug Community Support Program sa kasundaloan ug ang sunod-sunod nga pagbubo sa mga programa ug serbisyo sa gobyerno sa ilang komunidad maoy naka-aghat kanila sanglit ang ilang mga kaparentehan ug mga kanhing kontaks, una ng misurender, samot nga wala na silay makuhang suporta.
Tungod niining kalampusan, mas pangusgan pa ang paningkamot ni Kuya Gob Edwin Jubahib nga ipadayon ang nasugdang pagpaabot sa mga serbisyo sa probinsya labi na ngadto sa mas nanginahanglang kaigsoonang Indigenous People sa kabukiran.
“Mao nay hinungdan nga ang kasingkasing sa mga sibilyan hinay-hinay ng mibalik sa atong gobyerno. Ug mao nay hinungdan nga ang grupo sa NPA member, maglisud na sa pagmaneuver kay ang atong sibilyan nibalik naman ug aduna nay pagsalig sa atong kasundaloan ug gobyerno… I-priority ang pag-assist sa mga problema sa sibilyan. Gani ang Tapayanon, nga dugay nang gihimo nga kampo sa CPP-NPA, karon anaa na sa atong gobyerno. Ug nagsugod na ta’g pa-construct sa ilang panimalay didto sa Sitio Mondol para makita nila nga ang atong ginahimo karon para sa paghatag ug katumanan sa dugay na nilang gipangandoy nga serbisyo sa gobyerno,” matud sa gobernador.
Human nga naendorso sa mga LGU sa tulo ka probinsyang nalambigit, ang walo ka mga surrenderees ipailalom sa Enhanced Comprehensive Local Integration Program (ECLIP) aron sa hingpit nga rehabilitasyon sa dili pa ibalik sa katilingban.
