SANGLIT walay pondo nga nagahin sa Department of Agriculture alang sa pinaka karaang kahugpongan sa mga Local Government Units sa tibuok nasod, paneguroon sa bag-ong napili nga DIDP chairman nga ang tanang mga programa niini mahilinya gayod sa katuyoan sa nasyonal nga panggamhanan aron kini mapondohan.
“The bad news my dear sirs maam is this: DIDP was not included in 2016 neither it is included in 2017 as a lined item in the DA budget . . . It’s not my fault because the budget is already there when I assumed office. . . . Hindi sinabi sa akin na kailangan ng DIDP nang ganung funding,” pasabot ni DA Secretary Emmanuel Piñol atubangan sa mga miembro sa DIDP atol sa miting nga gipahinabo niadtong Martes, Agosto 16 sa Insular Hotel, Davao City.
“But here is the good news. The good news is that most of the items there that you were asking for are the items that we will focus on. . . So member LGUs of the DIDP let’s come up with a scene na lahat ng mga proposals na project will goes through DIDP and DA will fund. . . because we will still have to geo-tagged every DA projects right now. We have to end this culture of indiscriminate distribution of agriculture assistance,” dugang pasabot ni Sec Piñol.
Sukad pa sa termino ni Presidente Joseph Estrada hangtod na sa termino ni Presidente Benigno Aquino III, ang DIDP kanunay nagahinan ug pondo alang sa iyang mga proyekto.
Sa usa ka interbyu, giklaro ni bag-ong DIDP chairman Gobernador Anthony del Rosario nga kinahanglan gayod nga mahilinya sa programa sa nasyonal nga departamento ang mga plano ug proyekto sa DIDP.
“Nadungog nato ang plano sa atong Secretary of Agriculture, Secretary Manny Piñol ug siya mismo nag-ingon nga ang iyang gustong mahitabo unta is dunay coordination ang Department of Agriculture and the Davao Integrated Development Program. Gani mao na ang gisulti pod sa mga miembro sa DIDP nga
importante gyod tanang mga programa ilalom sa agriculture kinahanglan parehas gyod, aligned gyod na siya sa nasyonal para makakuha pod ta ug mga tabang gikan sa kaulohan,” matod ni Gob AGR.
Labot sa libreng 100 ka fiber glass motorized banca uban ang pukot ug bingwit nga ihatag sa DA ngadto sa mga LGUs nga daplin sa dagat, mihimo dayon ug aksyon ang gobernador sa Davao del Norte.
“Ugma, ugma mogawas na ang atong request. Na-estorya na nato si Director Oñate sa Region XI bahin niana,” pahayag ni Gob AGR.
Ang tulo ka component cities sa Samal, Panabo ug Tagum ingon man ang lungsod sa Carmen sa dili madugay makadawat ug tig 100 ka motorized banca nga ang matag usa mokantidad ug Setenta Mil. (pioDavNor)
